Fransa qaçqınlara görə sərhədi bağladı

Sərhədyanı nəzarətin bərpası şengen qaydaları ilə nəzərdə tutulub

Ölkə.Az xəbər verir ki, Fransa Yaxın Şərqdən gələn qaçqınların artması ilə əlaqədar sərhədlərə nəzarəti bərpa edir.

Bu barədə Fransa baş naziri Manuel Vals Milli yığıncaqda çıxışı zamanı bildirib.

"Fransa İtaliya ilə sərhəddə olduğu kimi müvəqqəti olaraq sərhədyanı nəzarəti bərpa edəcək. Lazım olarsa, bu, yaxın iki-üç gün ərzində baş tutacaq", - deyə Vals qeyd edib.

Onun sözlərinə görə, sərhədyanı nəzarətin bərpası şengen qaydaları ilə nəzərdə tutulub.

Qeyd edək ki, 2015-ci ilin əvvəlindən Avropa İttifaqı ərazisinə 340 min miqrant daxil olub.

Rəşid Mustafazadə
Ölkə.Az