\"Charlie Hebdo\"ya növbəti mükafat verildi

Redaktorun fikrincə, satira reallığı göstərir

Ölkə.Az xəbər verir ki, "Charlie Hebdo" satirik jurnalı "M100 Media Award" mükafatına layiq görülüb.

Mükafat jurnalın baş redaktoru Jerar Biana təqdim olunub. Mərasim "M100 Sanssouci Colloquium" beynəlxalq media konfransı çərçivəsində San-Susidə baş tutub.

Biar çıxış edərək, son zamanlar tənqidə məruz qalan suriyalı qaçqın uşaqla bağlı karikaturanı müdafiə edib. Onun fikrincə, satira reallığı göstərir. Bu ilin yanvarında "Charlie Hebdo" satirik jurnalına terror hücumu nəticəsində həlak olan karikaturaçılar Fransada keçirilən nüfuzlu Beynəlxalq Komikslər Festivalında mükafata layiq görülüb.

Xatırladaq ki, yanvarın 7-si Məhəmməd peyğəmbərin karikaturalarını yayımlayan "Charlie Hebdo" jurnalının Parisdəki redaksiyasına silahlı hücum təşkil edilmişdi. Hücum nəticəsində 12 nəfər həyatını itirmişdi.

Rəşid Mustafazadə

Ölkə.Az