Universitet dekanını keçmiş tələbəsi bıçaqladı - Türkiyədə

Türkiyənin Diclə Universitetində dekan müavini Yunus Yılmaza tələbə qız bıçaqla hücum edib.

Ölkə.Az Türkiyə mediasına istinadla xəbər verir ki, hadisə səhər saat 10.30 radələrində baş verib.

Məlumata görə, cinayətkar universiteti iki il əvvəl bitirib.

Hücum zamanı başından yaralanan Yılmaz Diclə Universiteti xəstəxanasına aparılıb.

Şübhəli universitetin təhlükəsizlik işçiləri tərəfindən tutularaq polisə təhvil verilib.

Saxlanılan qadın Yunus Yılmazın köhnə tələbəsi olduğunu söyləyib.

“O zamanlar mənə həmişə “axmaq” deyirdi. Daha sonra dostlarımda belə çağırmağa başladı. Ona görə intizam cəzası alırdım. Psixologiyam pozulub və buna görə də onu bıçaqladım", - deyə o ifadə verib.

Günay