Məşhur elektronika şirkəti 74 illik birja tarixinə son qoymağa hazırlaşır

Yaponiyanın ən qədim və ən böyük şirkətlərindən biri olan “Toshiba” 74 illik birja tarixinə son qoymağa hazırlaşır.

Ölkə.Az xarici KİV-ə istinadla xəbər verir ki, xüsusi kapital firması “Japan Industrial Partners” (JIP) tərəfindən idarə olunan konsorsium şirkətin səhmlərinin 78,65 %-ini satın alıb.

Firmanın üçdə ikisindən çoxuna sahib olmaq qrupa özəl olaraq 14 milyard dollarlıq müqavilə bağlamağa imkan verir.

Müqaviləyə əsasən, şirkətin səhmləri bu ilin sonunda birjadan çıxarıla bilər.

Xatırladaq ki, şirkət 1875-ci ildən saatlar və mexaniki kuklalar istehsal edir.

“Toshiba”nın səhmləri 1949-cu ilin may ayında Tokio Fond Birjasının yenidən açılması ilə ticarətə başlayıb.

Şirkət İkinci Dünya Müharibəsindən sonrakı illərdə ölkənin iqtisadiyyatının bərpası və yüksək texnologiya sənayesinin simvoluna çevrilib.

Günay