Sloveniya: \"10 min qaçqın qəbul etməyə hazırıq\"
"Sloveniya lazım olduğu təqdirdə 10 minə qədər qaçqın qəbul edə bilər".
Ölkə.Az xəbər verir ki, bu fikirləri Almaniyanın "Rheinische Post" qəzetinə müsahibəsində Sloveniyanın AFR-dəki səfiri Marta Kos Marko deyib.
"Əgər miqrantlar qaçqın statusu almaq üçün bizə sorğu göndərsə, biz onları qəbul edib müdafiə edəcəyik. Biz 10 minə qədər qaçqını yerləşdirmək iqtidarındayıq", - deyə Marko əlavə edib.
O qeyd edib ki, Macarıstanın sərhəd nəzarətini gücləndirməsindən sonra Sloveniyada miqrant axını gözlənilir.
Xatırladaq ki, qaçqınlar sərhədlərdə nəzarəti gücləndirən Macarıstanın yerinə Serbiyanın ərazisi vasitəsilə Xorvatiyaya yola düşüblər.
Rəşid Mustafazadə
Ölkə.Az