Vardanyanın saxlanılması təsdiqləndi - YENİLƏNİB - FOTO

Tanınmamış qondarma rejimin keçmiş dövlət naziri (hökumət başçısı) Ruben Vardanyan Gorusa getməyə cəhd edərkən Azərbaycanla sərhəddə saxlanılıb.

Ölkə.Az xəbər verir ki, TASS etibarlı mənbələrinə istinadən informasiyanı təsdiqləyib.

Bundan əlavə haqqın.az-ın informatorları da xəbəri doğrulayıb.

Vardanyanın həyat yoldaşı Veronika Zonabend daha bir media qurumu - "RBK"yə açıqlama verib:

“Bu səhər mənim ərim minlərlə digər erməni ilə birlikdə Artsaxı tərk etməyə cəhd edərkən sərhəddə Azərbaycan hakimiyyəti tərəfindən həbs edilib”.

***

Ruben Vardanyanın həyat yoldaşı Veronika Zonabend əri ilə bağlı açıqlama verib.

Ölkə.Az "CivilNet"ə istinadən xəbər verir ki, arvadının sözlərinə görə, onunla əlaqə kəsilib.

Vardanyanın saxlalanılma xəbərini Azərbaycan mediasında gördüyünü deyib. O, başqa təfərrüatları açıqlamayıb.

***

Qarabağdakı keçmiş qondarma rejimin “dövlət naziri” Ruben Vardanyanın Laçın yolu vasitəsilə Ermənistana getmək istəyərkən saxlanıldığı iddia edilir.

“Ölkə.az” xəbər verir ki, bu haqda Ermənistanın Politik.am saytı məlumat yayıb. 

Sayt iddia edir ki, Ruben Vardanyan Ermənistana gedən yolda həbs edilib. 

“Məlumatı hələlik yoxlamaq mümkün deyil” – deyə xəbərdə bildirilir. //yeni sabah