Paşinyan Zəngəzur dəhlizini açmasa hakimiyyətini itirəcək - KİV

“Ermənistanın verdiyi vədləri yerinə yetirməsi, xüsusən də Zəngəzur dəhlizinin açılması, danışıqların nəticəyönümlü şəkildə davam etməsi sabitliyin bərqərar olması üçün yeganə yoldur”.

“Ölkə.Az” xəbər verir ki, bunu “hurriyet”ə açıqlamasında Türkiyənin Milli Müdafiə naziri Yaşar Gülər deyib.

Nazir əlavə edib ki, tərəflərin yaxın günlərdə İspaniyada görüşəcəkləri danışıqları diqqətlə izləyirlər. “Bir daha ifadə etməyə dəyər. Biz həmişə olduğu kimi, “iki dövlət, bir millət” anlayışı ilə qardaş Azərbaycanın yanındayıq”, - nazir bildirib.

Nəşr yazır ki, Azərbaycan Prezidenti İlham Əliyevlə Ermənistan baş naziri Nikol Paşinyan arasında oktyabrın 5-də İspaniyada keçiriləcək görüş 24 saatlıq müdaxilədən sonra önəmli olacaq. “Ancaq Paşinyan indi görməlidir ki, onu buna vadar edənlər döyüş meydanlarında tək qoyublar. 
Cəbhədə Azərbaycana qarşı hər məğlubiyyət Paşinyanın İrəvandakı kreslosunu silkələyir.
Əgər Paşinyan Zəngəzur dəhlizini böhrana deyil, fürsətə çevirsə, bundan həm Ermənistan, həm də özü qazanacaq.
Əks halda, hər məğlubiyyətdən sonra İrəvan meydanlarını istefa şüarları ilə dolduran qəzəbli kütlə bir gün Paşinyanın devrilməsinə gətirib çıxara bilər. Paşinyan İspaniyada  bu təhlükəni nəzərə almadan masa arxasında oturmamalıdır”, - nəşr yazır.

Mürtəza
Ölkə.Az