Ukraynanın Krımla sərhədi bağlandı

Krımın anneksiyasına etiraz olaraq tatar və ukraynalı fəallar Ukraynadan Krıma gedən bütün yolları bağlayıb.

Ölkə.az xəbər verir ki, yarımadaya yük aparan ağır tonnajlı bütün maşınların hərəkəti dayandırılıb.

Məlumata görə, Krım tatarlarının liderlərindən biri Refat Çubarov Ali Radanın deputatları İqor Luçenko və Vladimir Parasyukla birlikdə Ukraynanın Krımla sərhədinə gəlib. Onlar üç buraxılış məntəqəsinin üçündə də olublar. Refat Çubarov aksiyanın davam edəcəyini bildirib.

Xatırladırıq ki, fəallar arasında "Sağ sektor"un da üzvləri var.

Ölkə.az