\"App Store\"a hücum edildi

Virus "iPhone" və "iPad" üçün nəzərdə tutulmuş leqal tətbiqetmələri yoluxdura bilir

Ölkə.Az xəbər verir ki, tətbiqetmələr dükanı hesab olunan "App Store" hakerlərin hücumuna məruz qalıb.

Bu barədə şirkətdən məlumat yayılıb. Virus "iPhone" və "iPad" üçün nəzərdə tutulmuş leqal tətbiqetmələri yoluxdura bilib.

Bundan əlavə, hakerlər "Xcode" proqramının əvəzedicisini yükləyə biliblər. Bu proqram iOS və "Mac apps"ın yaradılmasında istifadə edilib.

Apple nümayəndəsi Kristina Monaqanın sözlərinə əsasən, "App Store"də saxta proqram təminatının vasitəsi ilə yaradılmış proqramlar ləğv edilib.

"Palo Alto Networks Inc" departamentinin rəhbəri Rayan Olsonun fikrincə, zədələnmə məlumat axınına səbəb olub.

Olsonun sözlərinə görə, baş verənlər onu göstərir ki, "App Storе"da digər cinayətkarların da istifadə etmək istəyə biləcəkləri boşluqlar var.

Rəşid Mustafazadə

Ölkə.Az