Ərdoğan: "Ölkəni manqurtlara təslim etməyəcəyik"

Yeniqapı meydanında keçirilən nümayişdə 100 mindən çox insan iştirak edib

Ölkə.Az xəbər verir ki, Türkiyə prezidenti Rəcəb Tayyib Ərdoğan İstanbul şəhərində “Milyonlarla nəfəs terrora qarşı tək səs” şüarı altında baş tutan mitinqdə çıxış edib.

O, çıxışı zamanı qeyd edib ki, hökumət ölkəni Türkiyə bayrağına qarşı çıxan bəzi "manqurt"lara təslim etməyəcək. Ərdoğan bildirib ki, ölkədə cərəyan edən terror hadisələri türkün qardaşlıq siyasətini pozmağa hesablanıb.

"Biz bu ölkədə etnik mənsubiyyətinə görə heç kimə qarşı ayrıseçkilik etməmişik və etməyəcəyik. Biz yaradılmışları onları yaradana görə sevirik. Mənim ölkəmdə etnik problemi yox, terror problemi var. Bizim mübarizə etnik qrupa qarşı deyil, terror qruplaşmasına, ona dəstək verən hər kəsə qarşıdır", - deyə Ərdoğan bildirib.

Məlumata görə, dünən Yeniqapı meydanında keçirilən nümayişdə 100 mindən çox insan iştirak edib.

Rəşid Mustafazadə

Ölkə.Az