Azərbaycan rəhbərliyi sözünün ağasıdır - Kiviryan

“Azərbaycan iki məsələni həll edib. Onlardan biri daxilidir. Bu illər ərzində bu adamları həmişə öz daxili siyasi meydanlarında terrorçu elan edib, gec-tez həbs edib Bakıya gətirəcəklərini bildiriblər. Nəticə etibarı ilə indi deyirlər: bax camaat, biz necə liderik, sona qədər bütün işlərdə sözümüzün ağalarıyıq”.

Ölkə.Az xəbər verir ki, bunu politoloq Arqişti Kiviryan Ermənistan mətbuatına müsahibəsində hərbi cinayətkarlar Qaramyan, Mnatsakanyan, Babayan və Vardanyanın Azərbaycan hüquq-mühafizə orqanları tərəfindən saxlanmasını şərh edərkən deyib.

“İkinci məsələ erməni seqmentinə yönəldilib. Mən baş verən hər şeyi təbliğat gücü ilə təsvir edərdim”, - Kiviryan bildirib.

“Ermənistanda bir neçə müdafiə naziri ölkədən çıxıb. Mən sizə deyim ki, biri Moskvaya, digəri ABŞ-yə gedib. Bəlkə onlar bir şərtlə təhvil verilməyiblər ki, Moskvaya və ya Vaşinqtona bildikləri bütün məlumatları təqdim ediblər? Və bilirik ki, dünyada istənilən məlumat sındırıla və satıla bilər. Azərbaycanın həm Moskvadan, həm də Vaşinqtondan informasiya almasına heç nə mane olmur”, - deyə politoloq bildirib.