Zatulin: İrəvanın bu addımı Putinə qarşı təhqirdir
Mətn ölçüsü:
  • 100%

Zatulin: İrəvanın bu addımı Putinə qarşı təhqirdir

Ermənistan hökumətinin Roma Nizamnaməsinin ratifikasiyası ilə bağlı qərarı qeyri-dost addımdır, lakin İrəvan ardıcıl olaraq bu kursu davam etdirir.

“Ölkə.Az” xəbər verir ki, bunu Rusiya Dövlət Dumasının MDB işləri, Avrasiya inteqrasiyası və həmvətənlərlə əlaqələr komitəsi rəhbərinin birinci müavini Konstantin Zatulin deyib.

Onun fikrincə, Ermənistan tərəfi bu addımı ilə rəsmi olaraq Rusiya prezidenti Vladimir Putinin ölkəyə girişinə qadağa qoyub ki, bu da özlüyündə təhqirdir.

Zatulinin sözlərinə görə, bununla bağlı İrəvana xəbərdarlıq edilsə də, nəticəsi olmadı. “Düşünürəm ki, Ermənistanda, əslində, başa düşməyə bilmirlər ki, bu yolla getməklə bu, Rusiya prezidentinin ölkəyə girişinə qadağa forması deməkdir. Bu mənada Ermənistan hökuməti ardıcıl olaraq bu kursu davam etdirir”, - o qeyd edib.

O əlavə edib ki, bu yolla prezidentin ölkəyə girişinə qadağa qoymaq olmaz. “Hesab etmirəm ki, Rusiya prezidenti yaxın gələcəkdə Ermənistana səfər etmək istəyirdi. Bu, öz-özlüyündə şübhəsiz ki, təhqiramiz hərəkətdir. Bu, Ermənistan hökumətinin digər bəyanatları kimi ictimai-siyasi və digər məsələlərlə bağlı kontekst yaradacaq”, - Zatulin əlavə edib.

Mürtəza
Ölkə.Az