Poroşenko: “Ukrayna NATO-ya üzv olmağa hazır deyil...”
Amma NATO-nun qapıları Ukrayna üçün 2008-ci ildən açıqdı
Ölkə.Az xəbər verir ki, Ukrayna prezidenti Pyotr Poroşenko Ukraynanın hazırkı məqamda NATO-ya üzv olmağa hazır olmadığı və alyansın da eyni fikirdə olduğunu bəyan edib.
Bunu prezident Lvov şəhərində NATO-nun baş katibi Yens Stoltenberqalə birgə keçirdiyi brifinqdə deyib.
“Ukrayna NATO üzvü olmağa hazırdımı? Cavab çox sadədir – yox. Biz buna hələ hazırlaşmalıyıq", - deyə Poroşenko vurğulayıb.
Stoltenberq bildirib ki, Kiyev yalnız ölkədə islahatları başa çatdırandan sonra NATO-ya üzvlük üçün ərizə verə bilər.
Poroşenkonun sözlərinə görə, NATO-nun qapıları Ukrayna üçün çoxdan açıqdır.
"Ancaq mən deməliyəm ki, hər şey etməliyik ki, Ukraynanı dəyişdirək və onu Avropa Birliyinin üzvü edk. Amma NATO-nun qapıları Ukrayna üçün 2008-ci ildən açıqdır", - deyə prezident əlavə edib.
Ölkə.Az
