Putin Netanyahu ilə nədən danışdı?

"Ölkələrin Yaxın Şərqdə təhlükəsizliyi təmin etmək üçün ümumi maraqları var"

Ölkə.Az xəbər verir ki, Rusiya Federasiyası prezidenti Vladimir Putin İsrailin baş naziri Benyamin Netanyahu ilə Yaxın Şərqdəki vəziyyəti müzakirə edib və Yeni İl münasibətilə təbrik edib.

Netanyahu qeyd edib ki, regionda vəziyyət mənfiyə doğru dərinləşməyə davam edir. Rusiya prezidenti vurğulayıb ki, onun ölkəsi bu regionda etdiklərinə görə daşıdığı böyük məsuliyyəti anlayır.

"Rusiyanın regiondakı bütün davranışları hər zaman məsuliyyətli olub. Atışmalara gəlincə, biz bundan xəbərdarıq və olanları pisləyirik. Mənə məlumdur ki, atışmalar "kustar" üsulla hazırlanmış raketlərdən həyata keçirilir. Suriyaya gəlincə isə, biz anlayırıq ki, bu gün Suriya ordusu və Suriya elə bir vəziyyətdədir ki, onun ikinci cəbhə açmağına lüzum yoxdur. Onlar üçün önəmli olan dövlətçiliyi xilas etməkdir. Biz İsrail rəhbərliyinin narahatlığını başa düşürük. Mən şadam ki, siz hər şeyi detallarda müzakirə etmək üçün gəlmisiniz", - deyə Putin bildirib.

Netanyahu Rusiya prezidenti ilə görüşün vacibliyini vurğulayıb. Onun sözlərinə görə, ölkələrin Yaxın Şərqdə təhlükəsizliyi təmin etmək üçün ümumi maraqları var.  Sonda o bildirib ki, İsrail və rus əsgəri Suriya problemi məsələsində qüvvələrini birləşdirəcək və birgə hərəkət edəcək.

Rəşid Mustafazadə

Ölkə.Az