NATO Donbasdakı seçkiləri tanımayacaq
Ukraynada yerli seçkilər 25 oktyabra təyin edilib
Ölkə.Az xəbər verir ki, NATO baş katibi Yens Stoltenberq Ukraynanın Şərqində özünü elan etmiş respublikaların keçirəcəyi seçkiləri tanımayacağını bəyan edib.
O bildirib ki, Şimali Atlantika müqaviləsi təşkilatına daxil olan ölkələrdən heç biri Ukrayna qanunvericiliyinə zidd olan seçkiləri tanımayacaq.
Minsk razılaşmalarına əsasən, Donetsk və Luqansk ərazilərində seçkilər Ukraynanın digər regionları ilə eyni vaxtda keçirilməlidir.
Xatırladaq ki, Ukraynada yerli seçkilər 25 oktyabra təyin edilib.
Rəşid Mustafazadə
Ölkə.Az