Üsyançılar baş naziri azad etdilər
Ölkədə oktyabrda seçkilərin keçirilməsi planlaşdırılırdı
Ölkə.Az xəbər verir ki, Burkina-Fasoda üsyançılar girov götürülmüş baş nazir İsaak Zidanı azad etməyə müvəffəq olublar.
16 sentyabrdan prezident sarayında saxlanılan baş nazirə öz iqamətgahına getməyə icazə verilib.
Burkina-Fasoda ölkə başçısı vəzifələrini icra edən Mişel Kafondo şəxsi mühafizəsi tərəfindən həbs olunmuşdu. Bundan əlavə, ölkə hökumətinin nümayəndələri və baş nazir də həbs olunanlar sırasında olublar.
Bir müddət öncə müvəqqəti hökumət prezident mühafizəsinin buraxılması təklifi ilə çıxış etmişdi. Ölkədə oktyabrda seçkilərin keçirilməsi planlaşdırılırdı.
Avropa İttifaqı və BMT şəxsi mühafizəsi tərəfindən həbs olunmuş Burkina-Fasonun müvəqqəti prezidenti Mişel Kafandonun azad edilməsini tələb etmişdi.
Rəşid Mustafazadə
Ölkə.Az
