Bütün Qəzzanı amansızcasına əzmək lazımdır - Talli Qotliv

“İsrail Fələstin ərazilərini ballistik raketlər ailəsi olan "Jericho" ilə vurmalıdır. Hökumət bütün Qəzzanı əzməlidir”.

Ölkə.Az xəbər verir ki, bu sözləri İsrailin baş naziri Benyamin Netanyahunun Likud partiyasından olan parlament üzvü Talli Qotliv deyib.

“Jericho” “qiyamət silahı”dır. Bu mənim fikrimdir. Allah hamımızın qüdrətini qorusun.

Yalnız Yaxın Şərqi sarsıdan partlayış bu ölkənin reputasiyasını, gücünü və təhlükəsizliyini bərpa edə bilər. İsrail arsenalında olan hər şeydən istifadə etməlidir. Sizdən hər şeyi etməyinizi və qiyamət silahlarını qorxmadan istifadə etməyinizi xahiş edirəm. Qəzzada sadəcə bir məhəlləni yox etmək kifayət etməyəcək. Hökumət bütün Qəzzanı amansızcasına əzməlidir”, - deyə o əlavə edib.

Qeyd edək ki, "Jericho" İsrailin 1960-cı illərdən bu günə qədər inkişaf etdirdiyi və istifadə etdiyi ballistik raketlərə verilən ümumi addır.

Günay