Ərdoğandan ABŞ-a açıq xəbərdarlıq

Türkiyə prezidenti Rəcəb Tayyib Ərdoğan Suriyanın şimalındakı antiterror əməliyyatları ilə bağlı çox önəmli açıqlamalar verib.

“Ölkə.Az” xəbər verir ki, o, İraq və Suriyanın şimalındakı yuvalardan Türkiyəyə hücum etməyə hazırlaşan terrorçulara möhlət verilmədiyini bəyan edib. 

“Bir müddətdir, həyata keçirdiyimiz intensiv hava əməliyyatlarını daha da artıraraq terror təşkilatı üzvlərini hər yerdə məhv edəcəyik. Terrorçuların tərəfinə keçərək bizə zərər verənlərə sonda cavab verəcəyimizə heç kimin şübhəsi olmasın”, - prezident Ərdoğan qeyd edib. 

Antiterror əməliyyatı ilə bağlı ABŞ-yə açıq mesaj verən Ərdoğan deyib: “Ümid edirəm ki, Suriyadakı terror təşkilatını dəstəkləyərək Körfəz müharibəsi dövründəki gündəmlərini davam etdirməyə çalışanlar indi ortaq milli maraqlarımızın tələb etdiyi ağıllı siyasətlərinə dönəcəklər. Hər kəs bilməlidir ki, bu ölkə artıq məcburiyyətlərlə, gizli və açıq siyasi oyunlarla, məkrli iqtisadi tələlərlə idarə oluna bilməz”.

Mürtəza
Ölkə.Az