Rus hərbi təyyarələrinin Suriyaya gəlməsi xəbəri təsdiqləndi

Bir neçə gündür dünya mediasının əsas gündəm xəbəri olan rus təyyarələrinin Suriya rejiminə dəstəyə gəlməsi təsdiqlənib.

Ölkə.az Rusiyanın birinci kanalına istinadən xəbər verir ki, Pentaqonun yaydığı materiallarda Rusiya təyyarələrinin Suriyanın Latakiya şəhərindəki hərbi aerodroma endiyi bildirilmişdi.

Suriya hökumətinə yaxın mənbənin verdiyi xəbərdə bildirilir ki, hazırda Latakiyadakı hərbi aerodromda 28 qırıcı-bombardmançı təyyarə var. Məlumatda bildirilir ki, Rusiya Suriyaya 12 ədəd Su-24, 12 ədəd isə Su-25 hücum təyyarəsi göndərib. Aerodromda bir neçə ədəd "Flanker" tipli qırıcının da olduğu bildirilir.

Xatırladırıq ki, Rusiya Suriyaya hərbi təyyarələr göndərdiyi haqda çıxan xəbərləri təkzib etmişdi.

Ölkə.az