Anklavla məsələsi həll olacaq, hüquqi bazalar var - Sanosyan

Anklavların taleyi delimitasiya və demarkasiya prosesi ilə həll olunacaq.

Ölkə.Az xəbər verir ki, bunu Ermənistanın ərazi idarəetmə və infrastruktur naziri Qnel Sanosyan deyib.

Onun sözlərinə görə, Ermənistanla Azərbaycan arasında aparılan danışıqlarda anklavlar məsələsi nə qədər problemli görünsə də, bu, o qədər də sadədir, çünki xəritələr və hüquqi bazalar mövcuddur. 

“Anklav adlanan istənilən ərazinin də müəyyən hüquqi əsası olmalıdır. İki ölkə bir-birinin ərazi bütövlüyünü tanıyanda o zaman delimitasiya və demarkasiya prosesi baş verməlidir ki, bunun nəticəsində sərhədlər bütün aspektlər üzrə dəqiqləşəcək. Delimitasiya və demarkasiya prosesi başlayanda anklavlarla bağlı bütün məsələlər bu çərçivədə öz həllini tapacaq”, - deyə Sanosyan bildirib.

Xatırladaq ki, bu günlərdə Azərbaycan prezidenti İlham Əliyev bəyan edib ki, “Ermənistan ərazisində səkkiz azərbaycanlı kəndi qalıb və onlar geri qaytarılmalıdır”. 

Ölkə.Az