Meksikada tələbələr polislə toqquşdu - müəllimlərə görə

11 polis xəsarət alıb

Ölkə.Az xəbər verir ki, Meksikanın Herrero ştatında 12 avtobusu ələ keçirən etirazçı tələbələrlə polis nümayəndələri arasında toqquşmalar baş verib.

İlkin məlumatlara əsasən, toqquşmalar nəticəsində 11 polis xəsarət alıb.

Tələbələr kollecin 43 stajçı müəllimin oğurlanması ilə bağlı cinayət işinin araşdırılmasından narazı olduqları üçün küçələrə çıxıblar.

Xatırladaq ki, ötən ilin 26 sentyabr tarixində kənd məktəbləri müəllimlərinin diskriminasiya edilməsinə etiraz etmək üçün İquala şəhərinə yollanan 43 stajçı müəllim yoxa çıxmışdı. Bildirilir ki, onlar "Herreros Unidos" kriminal qruplaşması ilə üz-üzə gəlib və qətlə yetiriliblər. Müəllimlərin meyitləri yandırılıb

Etiraz hadisəsinin bəzi şəkillərini təqdim edirik:

Rəşid Mustafazadə

Ölkə.Az