Merkel və Obama qaçqınları müzakirə etdi
Suriyalıları birləşdirə biləcək siyasi keçid müzakirə edilib
Ölkə.Az xəbər verir ki, ABŞ prezidenti Barak Obama və Almaniya kansleri Angela Merkel telefon vasitəsilə Avropa İttifaqının miqrasiya böhranının dəf edilməsinə yönəlmiş fəaliyyətini müzakirə ediblər.
Bu barədə Ağ Evin bəyanatında deyilib.
"İki ölkə lideləri ümumavropa əməkdaşlığının vacibliyi barədə razılığa gəliblər. Bu razılığa əsasən, Avropa İttifaqının bütün üzv-dövlətləri qaçqınların ədalətli payını qəbul etməyə hazırdır", - deyə məlumatda qeyd olunub.
Bundan əlavə, bəyanata görə, suriyalıları birləşdirə biləcək siyasi keçid müzakirə edilib.
Qeyd edək ki, 2015-ci ilin əvvəlindən Avropa İttifaqı ərazisinə 340 min miqrant daxil olub.
Rəşid Mustafazadə
Ölkə.Az