Yunanıstanın yeni hökuməti açıqlandı

Yeni hökumətin andiçməsi Aleksis Tsiprasın rəhbərliyi ilə bu gün yerli vaxtla səhər saatlarında baş tutacaq

Ölkə.Az "TASS" informasiya agentliyinə istinadən xəbər verir ki, Yunanıstan hökumətinin rəsmi təmsilçisi dünən axşam yeni nazirlər kabinetinin tərkibini elan edib.

Gözlənildiyi kimi, maliyyə, xarici işlər və müdafiə nazirləri öz vəzifələrini qoruya biliblər.

Maliyyə naziri iqtisadçı Evklidis Tsakalatos olacaq. Məhz o, Avropa İttifaqı və Beynəlxalq Valyuta Fondu ilə 86 milyard avroluq 3-cü kredit proqramı üzrə mürəkkəb danışıqları aparmışdı. İndi isə Tsakalatos iqtisadi qərargahla birlikdə proqramda yer almış islahatları reallaşdırmalıdır.

Yeni hökumətin andiçməsi Aleksis Tsiprasın rəhbərliyi ilə bu gün yerli vaxtla səhər saatlarında baş tutacaq.

Rəşid Mustafazadə

Ölkə.Az