Elektrik yük maşını istehsalçısı \"Volta Trucks\" iflas etdi

2019-cu ildə İsveçdə qurulan elektrikli avtomobil markası “Volta Trucks" dörd ildən sonra müflis olduğunu elan edib. 

Ölkə.Az xarici KİV-ə istinadla xəbər verir ki, təchizatçı problemləri ilə mübarizə aparan “Volta Trucks” həm İsveç, həm də Böyük Britaniyadakı ofislərini bağlayıb.

ABŞ-nin elektrik avtobus istehsalçısı “Proterra” avqust ayında müflis olduğunu elan etdikdən sonra “Volta Trucks”ın ehtiyat hissələrinin tədarükündə böyük fasiləyə səbəb olub. 

Təchizat zəncirindəki problemlər şirkətin yük maşınlarının istehsal həcmini azaldıb və əlavə kapital toplamasını çətinləşdirib. 

Şirkət investorlardan təxminən 300 milyon avro cəlb edib. Lakin kütləvi istehsala keçmək üçün daha çox sərmayəyə ehtiyac var. 

Qeyd edək ki, şəhər çatdırılmasını hədəfləyən elektrik yük maşınlarını inkişaf etdirən “Volta Trucks” avtomobillərini Avstriyadakı bir fabrikdə istehsal edirdi. 

Şirkətin bu günə kimi 5 mindən çox yük maşını üçün sifariş aldığı bildirilsə də, tədarük problemləri kütləvi istehsalı ləngidir.

"Volta Trucks"ın idarə heyəti iflasın çətin bir qərar olduğunu bildirib. Lakin bunun istehsal itkisi və maliyyə çatışmazlığı nəticəsində zəruri olduğu bildirilib. İflas ərizələri şirkəti qoruyacaq, onun İsveç və Böyük Britaniyada yenidən qurulmasına imkan verəcək.

Günay