\"Çok Güzel Hareketler 2\"nin aktyoru ölkədən qaçdı: şok iddialar - FOTO

Türkiyəli fenomen və aktyor Kıvanç Talu və həyat yoldaşı Beril Talu yaxın dostları da daxil olmaqla bir çox insanı aldatdıqları iddiası ilə gündəmə gəlib.

Ölkə.Az Türkiyə mediasına istinadla xəbər verir ki, onların dostlarından 100 milyon TL (təx. 6 067 354 AZN) alaraq Portuqaliyaya qaçdıqları iddia edilir. 

Ona qarşı çoxsaylı ittihamlar irəli sürən fenomenin 1 milyon izləyicisi olan instaqram hesabı da bağlanıb.

Reklam biznesi ilə məşğul olan cütlüyün qurduqları şirkətlə orta məktəb dostlarından tutmuş evlərində işləyən köməkçilərinə qədər onlarla insandan pul yığdıqları iddia edilib. Piramida sistemi qurduqları iddia edilən cütlüyün 30-dan çox adama kredit götüzdürərək avtomobillərini satdırdıqları haqda şayiələr yayılıb.

1 milyon izləyicisi olan “Var Boyle Tipler” hesabı bağlanan cütlük "varboyletipler.offical" adlı yeni hesab açıb. Onlar 31.10.2023 00:00-da bütün sualları ətraflı video ilə cavablandıracaqlarını qeyd edib.

Xatırladaq ki, fenomen "Çok Güzel Hareketler 2"də rol alıb.

Günay