Putindən Baydenə atmaca: "Müharibəni uduzmuşuqsa, gəl, pankeklə çay içək"
ABŞ-ın Ukraynaya ATACMS raketləri verməsi Rusiya Prezidenti Vladimir Putini qəzəbləndirib.
Ölkə.Az xarici KİV-ə istinadla xəbər verir ki, Putin ABŞ Prezidenti Co Baydenin "Rusiya müharibəni uduzub" sözlərinə zarafatla cavab verib:
"Rusiya müharibəni uduzubsa, onda ABŞ niyə ATACMS raketlərini və bütün digər silahları Ukraynaya göndərir? Bayden bizə pankek yeyib çay içmək üçün baş çəkə bilər. Müharibə uduzmuşuqsa, nədən danışırıq, niyə ATACMS? Bunu ondan soruşun. Gülməlidir".
Pankek diplomatiyası nədir?
Rusiya lideri Vladimir Putinin və Çin Prezidenti Si Cinpinin yaxın müttəfiqlik münasibətləri var. ABŞ əleyhinə cəbhənin iki güclü üzvü olan Rusiya və Çin tez-tez bir araya gəlir.
Putin ötən il Ukraynada işğala başlamazdan bir müddət əvvəl Pekində vaxt keçirmişdi. İki lider 2018-ci ildə ədəbiyyata "pankek diplomatiyası" kimi daxil olan bir hadisəyə imza ataraq birlikdə pankek hazırlamışdılar.
Billurə