ABŞ-də yerli yəhudi icmasının lideri öldürülüb
Detroyt yəhudi icmasının dini lideri Samanta Uoll oktyabrın 21-i şənbə günü vəhşicəsinə qətlə yetirilib.
"Ölkə.az" xəbər verir ki, bu barədə yerli hakimiyyət orqanlarına və sinaqoqa istinadən məlumat yayılıb.
Polisin məlumatına görə, Detroyt sinaqoqunun rəhbəri şənbə günü səhər evinin qarşısında çoxsaylı bıçaq xəsarətləri nəticəsində ölü tapılıb. Hüquq-mühafizə orqanlarının əməkdaşları qətlin evin içərisində törədildiyini güman edirlər. Cinayətin motivi hələlik məlum deyil.
Qeyd olunur ki, qadın ravvin əvvəllər ABŞ-nin Demokrat konqresmeni Elissa Slotkinlə birlikdə çalışıb.
