Tanınmış idmançı İlyas Yakubov paylaşımına görə həbs olundu
Tanınmış MMA döyüşçüsü İlyas Yakubov terrora haqq qazandırmaqda təqsirləndirilərək dekabrın 11-dək həbs edilib.
Ölkə.Az xəbər verir ki, o, Rusiyanın Naqatinski məhkəməsində idmançı olduğunu və cinayət törətmədiyini bildirib.
Yakubov dünən günortadan sonra hava limanında saxlanılıb - o, Əbu-Dabidən Moskvaya uçub.
Cinayət işi instaqramda çeçen Şamil Basayevin sitatlarına əsaslanan paylaşıma görə başlanıb.
Həbs olunmazdan bir qədər əvvəl federal axtarışa verilib.
Oktyabrın 27-də o, Vyaçeslav Vasilevskiyə qarşı döyüşməli idi, lakin idmançı saxlanıldıqdan sonra görüş ləğv edilib.