Qəzzada bir gündə 3150 nəfərdə epidemiya xəstəliyi aşkarlandı

Qəzzada bir gündə 3 mindən çox insanda müxtəlif epidemik xəstəlik hallarının aşkar edildiyi açıqlanıb.

“Ölkə.az” xəbər verir ki, bu haqda Qəzza Səhiyyə Nazirliyi məlumat yayıb:

“Qəzza zolağında bir gündə sağlamlıq mərkəzlərində əksəriyyəti uşaq olmaqla 3150 nəfərdə epidemiya xəstəliyi aşkarlanıb”.

Məlumatda qotur, ishal, suçiçəyi, dəri xəstəlikləri və bronxit kimi bir çox xəstəliyin aşkar edildiyi bildirilib.

Xatırladaq ki, oktyabrın 7-si İsrail ərazisi Qəzza zolağından raket atəşinə tutulub. Qəzza zolağına nəzarət edən HƏMAS hərəkatı İsrailə qarşı genişmiqyaslı hərbi əməliyyata başladığını bildirib. Bunun ardınca İsrail ordusu Qəzza zolağında “Dəmir qılınclar” adını verdiyi hərbi əməliyyata başlayıb.