Türkiyədə hərbi avtomobil aşdı: Ölən və yaralananlar var
Ədirnədə hərbi avtombilin aşması nəticəsində yaralanan üç hərbçidən biri şəhid olub.
"Ölkə.az" xəbər verir ki, Ədirnə Süloğlu 54-cü Mexanikləşdirilmiş Piyada Briqada Komandanlığının piyada hərbçilərini daşıyan avtomobil Ədirnədən Süloğlu rayonuna gedərkən Hacıumur kəndi yaxınlığında sürücünün idarəetməni itirməsi nəticəsində yoldan çıxaraq aşıb.
Hadisə yerinə xilasetmə, jandarma və tibbi qruplar gəliblər.
Hərbçiləri ilişib qaldıqları avtomobildən çıxarıblar.
Yaralı üç hərbçi Ədirnə Sultan Murat Dövlət Xəstəxanasına və Trakya Universiteti Tibb Fakültəsi Xəstəxanasına çatdırlıb. Hərbi qulluqçulardan çavuş Ramazan Merzifonluoğlu bütün səylərə baxmayaraq şəhid olub.
