Siçanları bayraq rəngində boyayıb McDonald's-a buraxdı - VİDEO

Fələstinli bir fəal Fələstin bayrağının rənglərinə boyanmış onlarla siçanı McDonald's-a buraxıb. 

Ölkə.Az xəbər verir ki, bu barədə yazan "Daily Mail" həmin şəxsin "Fələstinə azadlıq" deyə qışqırdığını qeyd edib. 

Bu, İngiltərənin Birminqem şəhərində insanların çox olduğu bir restoranda baş verib. Müştərilər dərhal McDonald's-ı tərk ediblər. 

Bir nəfərlik etiraz aksiyasının səbəbi kimi şirkətin İsraili dəstəkləməsi göstərilib. O, boykot çağırışı edib.

Xatırladaq ki, "McDonald's İsrail" daha əvvəl İsrail ordusuna pulsuz yemək verməyə hazır olduğunu açıqlamışdı. Buna cavab olaraq müsəlman ölkələrindəki filiallar fələstinlilərə dəstək üçün 3 milyon dollar ayıracaqlarına söz veriblər.