Merkel BMT TŞ-də islahatlara çağırdı
Almaniya kansleri Angela Merkel BMT Təhlükəsizlik Şurasını (TŞ) 21-ci əsrin reallıqlarına uyğun yenidən qurmağa çağırıb. Merkel islahatların vaxtının çatdığını bildirib.
“Bizə problemlərin həllinin yeni metodları lazımdır. Bu isə Təhlükəsizlik Şurasında islahatları zəruri edir. Dəyişikliklər dünyadakı real qüvvələri indikindən daha yaxşı əks etdirməlidir” – deyib Merkel.
Hazırda BMT TŞ 15 dövlətdən ibarətdir. Onlardan beşi - ABŞ, Rusiya, Çin, Fransa və Böyük Britaniya daimi üzvlərdir və veto hüququna malikdir. 10 üzv ölkə isə BMT Baş Məclisində iki illik müddətə seçilir.
“Müdrik və birgə hərəkət eləmək lazımdır ki, qurum 21-ci əsrə uyğun olsun” - əlavə edib Almaniya kansleri. (musavat)
Ölkə.Az
