Ukrayna Baş Qərargah rəisinin köməkçisinə əl qumbarası hədiyyəsi: ölən və yaralanan var
Ukrayna Baş Qərargah rəisi Valeri Zalujninin köməkçisi 39 yaşlı Gennadi Çastyakov qətlə yetirilib.
Ölkə.Az xarici KİV-ə istinadla xəbər verir ki, ailəsi ilə birlikdə ad gününü qeyd edən Gennadi ona hədiyyə edilən əl qumbarasının partlaması nəticəsində həlak olub, 13 yaşlı oğlu isə ağır yaralanıb.
Bu barədə Zalujni sosial media hesabından açıqlama verib.
“Ailəsinə başsağlığı verirəm. Gennadi tammiqyaslı müharibə başlayandan mənim üçün etibarlı silahdaş olub. Həyatını tamamilə Ukrayna Silahlı Qüvvələrinə və Rusiya təcavüzünə qarşı mübarizəyə həsr edib”.
Həmçinin qeyd edib ki, hadisənin səbəbi və şəraiti istintaq zamanı müəyyənləşəcək.
Günay
