Ukrayna Rusiyanın neft-qaz infrastrukturuna hücum edə bilər
Ukrayna qışda Ukraynanın enerji sisteminə hücumlara cavab olaraq Rusiyanın neft və qaz infrastrukturuna hücum edə bilər.
"Ölkə.az" xəbər verir ki, energetika naziri German Qaluşenkonun "Politico"ya verdiyi məlumata görə, Rusiya mütəmadi olaraq Ukraynanın elektrik şəbəkəsinə kiberhücumlar həyata keçirir və havaların soyuması və insanların evlərini qızdırmaq üçün enerjiyə daha çox ehtiyac duyması ilə əlaqədar fiziki hücumları gücləndirəcəyi gözlənilir.
Prezident Volodimir Zelenskinin Rusiya zərbələrinə "cavab” ilə bağlı sözləri Ukraynanın Rusiyanın iqtisadiyyatının ən böyük mühərriki olan geniş neft və qaz infrastrukturunu hədəfə alması anlamına gələ bilərmi?
"Bu, ədalətli olardı. Rusiyanın hücumuna cavab olaraq biz də onların enerji infrastrukturuna hücum edərək eyni yanaşma ilə cavab verəcəyik", - nazir bildirib.
Qaluşenko hesab edir ki, Rusiyanın neft və qaz hasil etmək və ya nəql etmək qabiliyyətinə hücumun qiymət artımına gətirib çıxaracağı qorxusu şişirdilib. O, digər istehsalçıların tədarükü kompensasiya edə biləcəyini vurğulayıb.
"İnfrastruktura hücumlar qiymətlər üçün o qədər də kritik olmayacaq, xüsusən də qaz və neftdən danışanda. Yəni, bunlar təkcə Rusiyadan alınmayan yanacaqlardır. Əminəm ki, dünya bunun öhdəsindən gələ bilər", - o deyir.
Energetika Nazirliyinin rəhbəri həmçinin ABŞ rəsmilərini Rusiyanın nüvə enerjisinə qarşı sanksiyalar tətbiq etməyə çağırıb.
Prezident Volodimir Zelenski oktyabrda demişdi ki, ruslar bu qış Ukraynanın enerji sistemini məhv etməyə çalışacaqlar. Hərbi-siyasi şərhçi Aleksandr Kovalenko əmindir ki, Rusiyanın qışda və ya havanın temperaturu 0°C-dən aşağı düşəndən sonra raket və pilotsuz təyyarələrlə Ukraynaya hücuma hazırlaşdığı açıq-aydın görünür.
