Ruhani BMT iclasını yarımçıq tərk etdi
169 iranlı dünyasını dəyişib
Ölkə.Az xəbər verir ki, İran prezidenti Həsən Ruhani Məkkədə Həcc ziyarəti zamanı iranlıların həlak olmasına görə BMT Baş Assambleyasına səfərini yarımçıq qoyaraq, İrana qayıdacaq.
"Nyu-Yorka gəldiyi vaxtdan prezident Minadakı hadisələri və ölən, yaralanan iranlı zəvvarlar barədə xəbərləri diqqətdə saxlayıb", - deyə yerli İran KİV-lərində yazılıb.
Dünyasını dəyişən iranlı zəvvarların olduğu birinci təyyarə Tehrana sentyabrın 29-da gələcək. Məhz buna görə Ruhani sentyabrın 28-də ABŞ-dan gedəcək.
Xatırladaq ki, Məkkədə baş verən faciədə 169 iranlı dünyasını dəyişib. 300-dən çox vətəndaş barədə heç bir məlumat yoxdur.
Bu gün BMT-nin qərargahında Baş Assambleyanın 70-ci sessiyası çərçivəsində ümumi siyasi müzakirələrə start veriləcək.
Oktyabrın 3-nə qədər davam edəcək siyasi müzakirələrdə 144 dövlət və hökumət başçısının, 46 xarici işlər nazirinin çıxışı baş tutacaq.
Rəşid Mustafazadə
Ölkə.Az
