Daha bir ölkə İsraillə diplomatik əlaqələri kəsdi

Karib hövzəsi ölkəsi Beliz İsraillə diplomatik əlaqələrini kəsdiyini açıqlayıb. 

Ölkə.Az xəbər verir ki, bu barədə Beliz hökumətinin internet saytında bəyanat verilib.

Bu qərarın İsrailin atəşkəs çağırışlarını qəbul etməməsi və humanitar yardım materiallarının ölkəyə daxil olmasına mane olması səbəbindən verildiyi bildirilib.

“Tələblərimizə baxmayaraq İsrail beynəlxalq insan haqları pozuntularına son qoymadı. Qəzzalıların ağrılarını yüngülləşdirmək üçün yardım qruplarının girməsinə icazə vermədi. Bu səbəbdən bir sıra tədbirlər həyata keçirmək qərarına gəldik”,- açıqlama qeyd olunub.

Həmçinin regional mətbuatda dərc olunan xəbərlərdə Belizin Tel-Əviv səfirinin geri çəkilməsini tələb edəcəyi, İsrailin isə Belizdəki bütün diplomatik fəaliyyətlərinin dayandırılmasını tələb edəcəyi bildirilib.

Xatırladaq ki, daha öncə Kolumbiya, Çili və Honduras da məsləhətləşmələr üçün Tel-Əvivdəki səfirlərini geri çağırıb. Cənubi Amerika ölkəsi Boliviya İsraillə diplomatik əlaqələri kəsmək qərarına gəldiklərini açıqlamışdı.

Günay