400-dən çox qeyri-qanuni mühacir Seutaya daxil olmağa cəhd edib
400-dən çox qeyri-qanuni miqrant Afrikanın şimal sahilində yerləşən və İspniyaya məxsus muxtar Seuta şəhərinə daxil olmağa cəhd edib.
“Report” xəbər verir ki, bu barədə EFE agentliyi məlumat yayıb.
Məlumata görə, Mərakeş hüquq-mühafizə orqanlarının əməkdaşlarının atdığı addımlar sayəsində qeyri-qanuni mühacirlərin İspaniya krallığının ərazisinə daxil olmasının qarşısı alınıb.
Qeyd edək ki, coğrafi mövqeyinə görə miqrasiya problemi Seuta üçün əsas problemlərdən biridir. Afrikadan gələn qaçqın axınına nəzarət etmək üçün Mərakeşlə sərhəddə tikanlı məftillərlə qorunan hündür hasar çəkilib. Buna baxmayaraq, qeyri-qanuni mühacirlər yenə də bəzən hasardan keçə bilirlər.
