Ruhani ABŞ-ı terrorda ittiham etdi
"Ancaq İsrailin bu planın reallaşdırılmasına mane olmasına imkan vermək olmaz"
Ölkə.Az xəbər verir ki, İran İslam Respublikasının prezidenti Həsən Ruhani BMT-nin qərargahında Baş Assambleyanın 70-ci sessiyası çərçivəsində ümumi siyasi müzakirələri çərçivəsində çıxışı zamanı Həcc ziyarəti zamanı ölən zəvvarlara görə Səudiyyə Ərəbistanı hökumətini tənqid edib.
O, ABŞ-ın İraq və Əfqanistana qoşun yeritməsi, sionist rejimin dəstəkləməsini terrorizm siyasətinin tərkib hissəsi adlandırıb. Ruhani nüvə proqramına görə İranın uzun illər məruz qaldığı sanksiyaları ədalətsiz adlandırıb.
O bildirib ki, İran regionda nüvə silahından azad zonanın yaradılmasını dəstəklədiyini dilə gətirib.
"Ancaq İsrailin bu planın reallaşdırılmasına mane olmasına imkan vermək olmaz", - deyə Ruhani qeyd edib.
Xatırladaq ki, İran prezidenti Həsən Ruhaninin Məkkədə Həcc ziyarəti zamanı iranlıların həlak olmasına görə BMT Baş Assambleyasına səfərini yarımçıq qoyaraq, İrana qayıdacağı barədə xəbərlər yayılmışdı.
Rəşid Mustafazadə
Ölkə.Az
