Dominikan Respublikasında daşqın: ölənlər var - VİDEO

Dominikan Respublikasında təsirli olan fırtına güclü yağış və daşqınlara səbəb olub. 

Ölkə.Az xarici KİV-ə istinadla xəbər verir ki, hadisə nəticəsində 3-ü uşaq olmaqla azı 21 nəfər ölüb.

Fövqəladə Hallar Mərkəzinin (FHM) məlumatına görə, 13 min insan təhlükəsiz bölgələrə təxliyə edilib. 

Səlahiyyətlilər həlak olanlardan 4-nün ABŞ, 3-nün isə Haiti vətəndaşı olduğunu açıqlayıb.

Prezident Luis Abinader leysan yağışlarının indiyə qədər yağan ən güclü yağış olduğunu bildirib.

“İqlim dəyişikliyinə inanmayanlar inanmağa başladılar”.

Məktəblərin vəziyyətini qiymətləndirmək üçün təhsil bir neçə gün dayandırılacaq.

Bundan əlavə 45 rayonda rabitə xətləri kəsilib.

Xatırladaq ki, avqust ayında Dominikan Respublikasında təsirli olan Franklin Fırtınasında 2 nəfər ölüb, 1 nəfər itkin düşüb, 3 min adam təxliyə edilib.

Günay