“Ağ Ev İranın bu addımından narahatdır, misli görünməmiş təklif…”

Ağ Ev İranın Ukraynaya qarşı müharibəsində istifadə etmək üçün Rusiyaya ballistik raketlər verə biləcəyindən ciddi narahatlıq keçirir.

Ölkə.Az xəbər verir ki, Ağ Evin bu narahatlığını Milli Təhlükəsizlik Şurasının strateji kommunikasiyalar üzrə koordinatoru Con Kirbi bəyan edib. 

“İranın Ukraynada istifadə üçün Rusiyaya ballistik raketlər verməyi nəzərdən keçirməsindən ciddi narahatıq”, - Kibri bildirib.

Onun sözlərinə görə, İran artıq Rusiyanı “informasiya daşıyan dronlar və ya PUA, idarə olunan bombalar və artilleriya sursatları ilə təmin edir. “Ola bilər ki, Rusiyaya dəstək üçün daha bir addım atmağa hazırlaşır”, - o qeyd edib.

Əlavə edib ki, Rusiya bu dəstəyin müqabilində Tehrana raket, elektronika və hava hücumundan müdafiə sahələrində misli görünməmiş müdafiə əməkdaşlığı təklif edir.

“Ümumilikdə, İran Rusiyadan hərbi potensialını gücləndirmək üçün milyardlarla dollar hərbi texnika istəyir.

Rusiya İrana həmçinin peyk məlumat toplama imkanlarını və digər kosmik proqramları inkişaf etdirməyə və saxlamağa kömək edir”, - Kibri qeyd edib.

O eyni zamanda bildirib ki, İran və Rusiya arasında artan hərbi tərəfdaşlıq Ukraynaya, İranın Yaxın Şərqdəki qonşularına və açıq desək, beynəlxalq ictimaiyyətə ziyan vurur.

Mürtəza
Ölkə.Az