Obamadan İrana böyük jest

Obama və Cavad Zərif arasında mehribanlıq dünya mediasının əsas müzakirə mövzusuna çevrilib.

Ölkə.az xəbər verir ki, BMT Baş Assambleyasının iclasında ABŞ prezidenti Barak Obama İranın xarici işlər naziri Cavad Zərifə xüsusi diqqət göstərərək onun əlini sıxıb.

ABŞ mediasına məlumat verən İran nümayəndə heyətinin üzvlərindən biri bildirib ki,bu hadisə möcüzə əsəri baş verib. O, bildirib ki, Obama və Zərif İran prezidenti Ruhaninin BMY tribunasından çıxışından sonra görüşüb salamlaşıblar.

"Əvvəlcədən planlaşdırılmış bir görüş deyildi. Bir neçə saniyə içərisində baş verdi", deyə iranlı diplomat bildirib.

Xatırladırıq ki, İranla ABŞ arasında diplomatik gərginlik bu ölkədə baş vermiş 1979-cu il İslam inqilabından sonra başlamış və 2015-ci ilə qədər davam etmişdir. Hazırda nüvə proqramından qismən vaz keçən İran Qərblə dondurulmuş əlaqələrini bərpa etməyə çalışır.

Ölkə.az