Altı dövlətin vətəndaşları Çinə vizasız səfər edə biləcəklər

Fransa, Almaniya, İtaliya, Hollandiya, İspaniya və Malayziya vətəndaşları adi pasportlarla 2023-cü il dekabrın 1-dən 2024-cü il noyabrın 30-dək Çinə vizasız səfər edə biləcəklər.

Ölkə.az APA-ya istinadən xəbər verir ki, bu barədə Çin Xarici İşlər Nazirliyinin sözçüsü Mao Ning bildirib.

Onun sözlərinə görə, həmin ölkələrin vətəndaşları Çinə vizasız daxil ola və iş, turizm, ailə səfərləri və tranzit məqsədləri üçün 15 günədək bu ölkədə qala biləcəklər. Çin mediası bildirir ki, bu eksperiment xarakterlidir və nəticəyə uyğun olaraq gələcəkdə bunun daimi olub-olmaması barədə qərar veriləcək.