Poroşenko BMT-nin tribunasından Rusiyanı işğalçı adlandırdı

Ukrayna prezidenti Pyotr Poroşenko BMT Baş assambleyasında çıxış edib.

Ölkə.az xəbər verir ki, Ukrayna prezidenti çıxışını əsasən ölkəsində və keçmiş sovet məkanında baş verən proseslər üzərində qurub.

"Mənim ölkəm yenidən hərbi təcavüzün obyektinə çevrilib. Bu dəfə təcavüzkar Rusiyadır, qonşumuz və keçmiş strateji tərəfdaşımız, hansı ki, öz üzərinə Ukraynanın müstəqilliyini, suverenliyini, ərazi bütövlüyünü və toxunulmazlığını qorumaq barədə öhdəlik götürüb", deyə Poroşenko BMT-nin tribunasından hiddətlə bildirib.

Poroşenko daha sonra vurğulayıb ki, "Rusiya Ukraynanın ərazisinin 44 min kvadrat kilometrlik hissəsini işğal edib. Bura Krım bütövlükdə və Donbasın bir hissəsi daxildir. Rusiya öz təsirini qonşu dövlətlər üzərində saxlamaq üçün onilliklər ərzində ətrafında konfliktlər zolağı yaradıb. Dağlıq Qarabağ, Pridnestrovye, Abxaziya, Cənubi Osetiya, indi isə Krım və Donbas bu qəbildən olan konfliktlərdir".

Ölkə.az