Obama Ərdoğanla görüşməkdən imtina etdi
Razılığa gəlmişdilər...
Ölkə.Az xəbər verir ki, ABŞ prezidenti Barak Obama Türkiyə tərəfinin təklifini rədd edib və prezident Rəcəb Tayyib Ərdoğanla görüşməyib.
"Nokta" nəşrinin yazdığına görə, Milliyətçi Hərəkat Partiyasından (MHP) olan keçmiş millət vəkili Lütfü Türkan bəyan edib ki, Obama BMT Baş Assambleyasının 70-ci sessiyası çərçivəsində Türkiyə prezidenti Rəcəb Tayyib Ərdoğanla görüşməkdən imtina edib və buna görə ABŞ-a baş nazir Əhməd Davudoğlu yollanıb.
"Türkiyənin Xarici işlər nazirliyi Obama-Ərdoğan görüşünün təşkili üçün bütün kanalları istifadə etsə də, ABŞ bu görüş təklifini rədd edib", - deyə Türkan bildirib.
Xatırladaq ki, ABŞ prezidenti Barak Obama və Türkiyə prezidenti Rəcəb Tayyib Ərdoğan ötən gün əcnəbi döyüşçülərin axınının qarşısının alınması və Türkiyə-Suriya sərhədinin təhlükəsizliyinin təmin edilməsi ilə bağlı razılığa gəlmişdilər.
Rəşid Mustafazadə
Ölkə.Az
