Səudiyyə Ərəbistanı: Əsəd hakimiyyətdən könüllü getməsə güclə devriləcək

Səudiyyə Ərəbistanının xarici işlər naziri Əbdül Əl-Cubeyr Suriyada baş verənlərə münasibət bildirib.

Ölkə.az ərəb mediasına istinadən xəbər verir ki, krallığın xarici işlər naziri baş verənlərdə Bəşər Əsədi ittiham edərək onun hakimiyyətdən getməsinin vacibliyini vurğulayıb.

O, bildirib ki, Suriya prezidentinin iki variantı var, o, ya özü könüllü hakimiyyətdən getməlidir, ya da silah gücünə yıxılacaq.

"Onun hakimiyyətdən könüllü getməsi daha yaxşı olardı. Onun güclə devrilməsi isə uzun sürən və dağıdıcı prosses ola bilər. Bütün hallarda seçim Əsədindir", deyə Əbdül Əl-Cübeyr sözlərini bitirib.

Ölkə.az