Rusiya ordusuna xaricdə döyüşmək icazəsi verildi
Rusiya Federasiya Şurası yekdilliklə orduya xaricdə əməliyyatlar keçirmək icazəsi verib.
Ölkə.az xəbər verir ki, Kreml administrasiyasının rəhbəri Srgey İvanov Federal Şuranın qərarının Suriyaya aid olduğunu bildirib. O, həmçinin qeyd edib ki, Rusiya ordusu Suriyada yerüstü əməliyyatlarda iştirak etməyəcək.
"Söhbət yalnız hərbi-hava əməliyyatlarından gedir", deyə İvanov Şuranın qərarını şərh edərkən deyib.
Xatırladırıq ki, Suriya XİN-nin başçısı sentyabr ayının ortalarında hökumətinin Rusiyaya hərbi yardım üçün müraciət edə biləcəyini vurğulamışdı.
Ölkə.az
