Mətn ölçüsü:
  • 100%

Sunak Yunanıstan baş nazir Mitsotakis ilə görüşünü ləğv etdi

Böyük Britaniyanın baş naziri Rişi Sunak ölkəsində səfərdə olan Yunanıstanın baş naziri Kiriakos Mitsotakis ilə görüşünü ləğv edib. 

Ölkə.Az xarici KİV-ə istinadla xəbər verir ki, Mitsotakis qərara reaksiya verib.

"İngiltərə baş nazirinin planlaşdırılan görüşümüzü ləğv etməsindən narahatlığımı bildirirəm. Yunanıstan və İngiltərə arasında tarixi dostluq bağları var. İki ölkə arasındakı əlaqələr çərçivəsi son dərəcə genişdir.

Yunanıstanın Elgin Mərmərləri ilə bağlı fikirləri aydındır. Britaniyalı həmkarımla Qəzza, Ukrayna, iqlim böhranı və miqrasiya kimi bu və beynəlxalq gündəmdəki böyük məsələlər haqqında danışmağı ümid edirdim. Kim öz fikirlərinin doğru və ədalətli olduğuna inanırsa, o heç vaxt baxışların toqquşmasından qorxmaz”. 

Belə ki, Yunanıstanın baş nazirliyindən şənbə günü verilən açıqlamada İngiltərəyə üç günlük səfər edəcək Mitsotakisin çərşənbə axşamı yerli vaxtla saat 13.45-də Sunak ilə görüşəcəyi açıqlanmışdı.

Xatırladaq ki, Kiriakos Mitsotakis ötən gün BBC proqramında Elgin Mərmərlərinin Yunanıstana geri göndərilməsi lazım olduğunu bildirib.

Qeyd edək ki, Afina Akropolunun bir hissəsi olan Elgin Mərmərləri Londondakı Britaniya Muzeyində yerləşir. 1800-cü illərin əvvəllərində İstanbulda səfir olan Lord Elgin heykəlləri araşdırmaq və sorğu aparmaq üçün icazə alaraq mərmərləri İngiltərəyə aparıb. Afina uzun illərdir ki, mərmərlərin qaytarılmasını istəyir.

Günay