Trampdan Rusiyaya dəstək

"Moskva ABŞ rəhbərliyinə olan hörmətini itirdiyi üçün əməliyyata başlayıb"

Ölkə.Az xəbər verir ki, ABŞ-da Respublikaçılar partiyasından prezidentliyinə namizəd Donald Tramp Rusiyanın Suriyada hava zərbələri endirməsinə dəstək verib.

O, İŞİD terror təşkilatına qarşı yönəlmiş bu addımı dəstəklədiyini dilə gətirib.

"Əgər onlar İŞİD-i məğlub etmək istəyirsə, bu mənim üçün uyğundur", - deyə Tramp müsahibədə bildirib.

O qeyd edib ki, Moskva ABŞ rəhbərliyinə olan hörmətini itirdiyi üçün əməliyyata başlayıb.

Bir müddət öncə milyarder Donald Tramp bildirib ki, qalib olacağı təqdirdə amerikalıların müəyyən hissəsini vergilərdən azad edəcək.

Trampın planına əsasən, verginin azaldılması bir çox korporasiyalar üçün və zəif təminatlı vətəndaşlar üçün nəzərdə tutulub. O qeyd edib ki, yoxsulları tamamilə vergidən azad etmək lazımdır.

Keçirilən sorğulara əsasən, Donald Tramp respublikaçı namizədlər arasında liderdir. İndiyədək seçki kampaniyalarında səbəbkar olduğu qalmaqalların onun reytinqinə müsbət, yoxsa mənfi təsir etdiyi isə hələ də bilinmir. Donlad Tramp kampaniyalar zamanı cəmiyyət içində rəqiblərindən birini təhqir edib, teledebat işçiləri ilə mübahisə edib və Respublikaçılar partiyasının bir neçə üzvü ilə dalaşıb.

Rəşid Mustafazadə

Ölkə.Az