Aİ Ukraynaya 50 milyard avro yardım ayırmaq fikrindən uzaqdır
Ukrayna Avropa İttifaqı (Aİ) daxilindəki fikir ayrılıqları səbəbindən 50 milyard avro həcmində böyük maliyyə yardımı paketi almaya bilər.
Ölkə.Az xəbər verir ki, bu barədə “Financial Times” yazır.
Məqalədə qeyd olunub ki, Aİ daxilində Ukraynaya pul ayrılması ilə bağlı mübahisələr bir neçə ay əvvəl Kiyevə verilən mühüm vədləri təhlükə altına qoyur. Bu, Konqresdəki müzakirələr səbəbindən ABŞ-dən maliyyə və hərbi dəstək axınının faktiki olaraq dayandığı bir vaxta təsadüf edir. Nəşr bir sıra mənbələrinə istinadən bildirir ki, Aİ üzvləri Ukraynaya 50 milyard avro ayırmaq barədə razılığa gəlməkdən uzaqdırlar.
Ukraynaya yardımla bağlı aktiv müzakirələr dekabrın 14-15-də Brüsseldə keçiriləcək Aİ sammiti öncəsi və zamanı davam etdiriləcək. Sammitdə yardım paketinə səs verməlidir.
Mürtəza
Ölkə.Az
