Nagihan Karadere \"övladlıqdan rədd edildi\" xəbərini yalanladı - VİDEO

“Survivor 2024 All Star”a qatılmaq üçün hazırlıqlara başlayan milli atlet Nagihan Karadere övladlıqdan rədd edildiyi iddialarını yalanlayıb.

Ölkə.Az Türkiyə mediasına istinadla xəbər verir ki, o, dünən gecə “Magazine Online” müxbirinə açıqlama verib.

“Danışmaqda çətinlik çəkirəm.

Yalan xəbərdir. Bacı-qardaş arasında yaşanan gərginlikdir. Anam və atam ağlayırlar. Atam “O bizim adımıza necə belə bir şey edə bilər?” deyir. Onlar mənimlə fəxr etdiklərini söyləyirlər. 70 yaşlı kişi bu qədər ağlayırsa, mənim edəcəyim bir şey yoxdur. 

O bu bəyanatı bazar günü verib. Bazar günü hansı məhkəməyə müraciət edə bilər? Övladlıqdan imtina kimi bir şey yoxdur.

Mirasdan imtina edildiyimi söyləyir. Mənim ailəm Sabancı və ya Koç deyil.

Qardaşım bəzi şeylər istədi. Kömək edə bilməyəcəyimi dedim. Tələbləri çox olduğu üçün gedib işləməsini söylədim. Özü də işləyəndə ona dəstək olacağımı dedim, amma məsələ bura qədər gəldi. Çox acınacaqlı vəziyyətdir. Mən hamıdan əvvəl ailəmi, özümü və uşağımı düşünməliyəm. İndiyə qədər çox kömək etmişəm. Amma uşağımın ruzisini verə bilmirəm.

Uşaq kimi etdiklərinin mənası yoxdur. Ailəmlə danışıram, problem yoxdur. Yarışmaya gedəcəyəm və mənim psixologiyam çox önəmlidir. Qardaşım rəqiblərimdən daha sərt çıxdı.

Qardaşım məndən bahalı maşınlar istəyir. Keçmişdə aldım və toyunu etdim.

Hətta atam deyir ki, sən çox şey etmisən, mən səndən heç nə istəyə bilmərəm. Mən ilk yarışımda qazandığım qızılı belə, gətirib anama verən adamam”.

Xatırladaq ki, ötən gün qardaşı Nagihandan imtina etmək üçün məhkəməyə müraciət etdiklərini bildirib.

Günay